Loro Facu 2019

Que oportunidades ten un pequeno festival autofinanciado fronte aos macro festivais tan presentes nas redes e nos medios de comunicación tradicionais?

Que podemos ofrecerlle á organización do festival que sexa novo, orixinal e que se distinga das anteriores coberturas resumidas nun aftermovie?

Esas eran principalmente as dúas preguntas que nos plantexamos cando se presentou a oportunidade de cubrir a edición 2019 do Loro Facu. A resposta ás dúas era Instagram e as súas posibilidades.

Que nós coñecéramos, ata o momento, non había ningún festival do tamaño do Loro Facu que retransmitise “en directo” o propio evento sen quedarse na mera emisión dun streaming sen máis pretensións.

Instagram permitíanos estar constantemente subindo contido actualizado e editado seguindo un estilo predefinido, aportándolle máis valor que o simple documento do que está a acontecer. É dicir, convertemos o Instagram do Loro Facu nunha especie de canle de TV do festival. Por unha banda tiñamos as publicacións no muro e en Instagram TV que empregamos para subir os vídeos de maior duración (entrevistas e vídeos resumo) e, pola outra, as historias nas que ir actualizando regularmente o desenrolo das distintas xornadas (os horarios, distribución dos espazos, cambios e avisos, respostas a preguntas, etc.). Esta maneira de cubrir o Loro Facu foi posible grazas a un amplo equipo traballando de forma multidisciplinar e paralelamente (organización, grabación, edición, RR.SS, etc.) cun obxectivo común predefinido.

En resumo, multiplicamos o contido dividíndoo. Traballando de esta forma conseguimos:

Maior presenza en redes

Dividir o contido

Informar constantemente

Ser ordenados

Toda esta emisión “en directo” deixa xogar, ademais, coa idea de que o espectador estase perdendo aquilo que se lle esta ofrecendo a través da pantalla. Elemento que recollemos máis adiante como eixo vertebrador do vídeo resumo:

Seguindo esta idea de retransmisión televisiva, a nivel formal decidimos tomar como referencia a TV das décadas dos 80 e 90. Tivemos en conta para concretar isto que a meirande parte o público do Loro Facu nas anteriores edicións nacera nos anos oitenta.

A edición 2019 do festival contou ademais coa peculiaridade da estrea do recital poético “Non quero rosas”. Decidimos entón, dividir o vídeo resumo en dúas partes seguindo o mesmo concepto: unha centrada na música e a outra na poesía aproveitando este feito para seguir multiplicando a presenza nas redes sociais unha vez finalizado o festival.